Заморот може да биде поопасен од алкохолот, еве што да направите кога ќе ви се приспие зад воланот

Фото: pixabay

Најголемиот проблем со заморот е што обично се појавува во еден момент и многу брзо го совладува возачот.

Големите трагедии во сообраќајот секогаш нè наведуваат да го поставиме прашањето дали може да се избегне фатален исход.

Заморот зад воланот е сериозен проблем и сериозна опасност за возачот и неговите придружници, како и за сите други учесници во сообраќајот. Ова е особено доаѓа до израз во сезоната на празници, кога голем број возачи гледаат да поминат што е можно повеќе километри „набрзина“.

Колку може да биде опасен заморот, покажува истражувањето кое потврдува дека неговиот ефект може да биде идентичен со одреден степен на алкохолизам, ако не и поопасен. Причината за таквото тврдење лежи во фактот дека се претпоставува дека кога некој пие, тогаш се знае дека не смее да седне зад воланот.

Најголемиот проблем со заморот е што обично се појавува во еден момент и многу брзо го совладува возачот. Помалку искусните честопати мислат дека лесно можат да се справат со тоа, затоа продолжуваат да возат. И кога заморот ќе ги совлада, несреќата е неизбежна!

Некои ќе речат дека може да се реши со јако кафе или лименка со енергетски пијалок, но единствениот вистински лек за замор е - одмор! Затоа за заморот се препорачува краток сон, односно она што на англиски се нарекува „power nap“.

За да го направите ова, треба да го запрете возилото на првото место покрај патот каде што е дозволено, да го спуштите задниот дел од седиштето и да спиете 15 до 20 минути. Внимавајте да поставите аларм на часовникот или телефонот и не дозволувајте да спиете подолго од тоа!

Ова е важно за да не преминете од „ефект на краток сон“ во длабок сон, што може да биде контрапродуктивно. Откако ќе се разбудите, излезете од автомобилот и направете неколку чекори и истегнете се малку, и ќе бидете подготвени да продолжите да возите.