Интернет-претражувачот на Мајкрософт ќе го снема засекогаш во 2022 година

Мајкрософт објави кога конечно ќе се пензионира Интернет експлорер.

Десктоп апликацијата Internet Explorer 11 ќе стане минато на 15 јуни 2022 година во повеќето верзии на Windows 10.

Исто така, исклучок ќе биде десктоп апликацијата Server Internet Explorer 11 или моторот MSHTML (Trident).

Сепак, едно е сигурно, во повеќето случаи Internet Explorer ќе го доживее својот крај за нешто помалку од 13 месеци.

Интернет Explorer е дел од Windows повеќе од четвртина век, но со доаѓањето на Edge во 2015 година, Microsoft започна да го става во втор план. Поддршката за претходните верзии беше прекината во 2016 година, а Microsoft 365 и другите апликации нема да поддржуваат IE 11 од 17 август.

Мајкрософт ги повикува корисниците на Интернет Експлорер 11 да се префрлат на Еџ или друг прелистувач пред да ја прекинат поддршката во јуни следната година. Edge има интегриран режим Internet Explorer за веб-страници за кои сè уште е потребен IE. Многу организации сè уште користат стари апликации и има веб-страници кои навистина не работат добро со современите прелистувачи, па затоа режимот е корисен.

Компанијата вети поддршка за режимот IE на Edge до крајот на 2029 година, така што организациите и одделите за ИТ имаат уште неколку години да преминат од старите веб-апликации на нови.