Дали ова ќе им стави крај на измамниците? WhatsApp работи на нов метод за верификација

WhatsApp работи на нова опција Flash Calls што ќе се користи за потврда или активирање на сметка. Досега компанијата има направено слична работа преку СМС, но охрабрени од неколкугодишна измама што сеуште се практикува, тие решија да ја активираат со јавување, пренесува Експрес.

Имено, новата опција ќе работи така што WhatsApp ќе го повика вашиот телефонски број и потоа автоматски ќе го заврши повикот, потврдувајќи дека бројот на компанијата во историјата на повици е еднаков на оној што ви дава шестоцифрен код. Се наведува дека измамниците никогаш нема да можат да го заобиколат методот Flash Calls, бидејќи бројот што ве повикува секогаш ќе биде различен.

Сепак, новата опција нема да биде достапна за индивидуалните корисници на популарната апликација за разговор. WABetaInfo вели дека Flash Calls нема да може да се имплементираат на iOS, бидејќи Apple не нуди ниту еден јавен API за читање историја на повици, но се наведува дека WhatsApp активно работи да им објасни на корисниците зошто им е потребна дозвола за остварување и управување со повици и пристап до нивната историја.

Покрај тоа, се истакнува фактот дека оваа одлика ќе биде целосно опционална, така што корисниците ќе можат слободно да изберат како сакаат да ја потврдат својата сметка. Исто така, се тврди дека WhatsApp нема да ја користи вашата историја на повици за некои други цели.

Измамниците можат да бараат од луѓето пари
WhatsApp често е мета на измамници, која работи со добивање порака од навидум позната, пријателска, но и хакирана адреса, со шестцифрен код што не сте го побарале.

„Добив порака од WhatsApp од една пријателка која рече дека нејзината сметка е блокирана и дека случајно и го испратила својот код за пристап до мојот број, барајќи да го сликам и да и го испратам“, рече еден измамен. Имено, откако ќе „провалат“ на сметката, тие можат лажно да се преправаат и со тоа да бараат пари од луѓето.

WhatsApp советува никогаш да не го давате вашиот безбедносен код, дури ни на пријателите и семејството. Тие исто така истакнуваат дека вклучувањето верификација во два чекори помага многу, но генерално треба да бидете претпазливи со пораките во кои ви бараат пари, дури и ако тие доаѓаат од вашиот зачуван контакт.