Ако ги имате овие 8 апликации на вашиот Android - избришете ги веднаш
Неодамна беше утврдено дека вкупно осум апликации за Android од продавницата Google Play содржат малициозен софтвер Joker. Апликациите, забележани од лабораториите за безбедност на Quick Heal, можат да собираат и крадат податоци од корисниците на паметни телефони со Android систем и да создаваат разни други проблеми.
За среќа, истражувачката фирма привлече внимание кон Гугл, а осум заразени апликации, наводно, биле отстранети од Play Store. Тие повеќе не се достапни за преземање, но самите апликации сè уште претставуваат закана затоа што остануваат на Интернет, но и потенцијално на вашите телефони.
Малициозниот софтвер Јокер може да украде кориснички податоци и дури може тајно да ги пријави корисниците на скапи платени претплати на кои никогаш не се пријавиле. Злонамерениот софтвер може да ви ги украде списоците со контакти, информациите за уредот, пораките и многу повеќе.
Препорачливо е корисниците на паметни телефони со Android систем - вклучително и купувачи на паметни телефони Galaxy - кои ги преземале овие апликации, да го отстранат што е можно поскоро и да извршат скенирање на вирус со употреба на реномирана алатка за антималвер. Инфицирани апликации се:
Auxiliary Message
Fast Magic SMS
Free CamScanner
Super Message
Element Scanner
Go Messages
Travel Wallpapers
Super SMS
Како по правило, сопствениците на паметни телефони со Android систем треба да се држат настрана од непознати апликации кои немаат никаква репутација, особено ако користат апликации за пораки, скенери или тапети, бидејќи овие категории се многу популарни меѓу хакерите и често се користат како екран за малициозен софтвер.