Тајна Мапа на вашиот телефон го снима секој ваш чекор: Еве како да ја пронајдете и исклучите

Дали знаевте дека iPhone ги следи вашите движења и ги снима податоците во „скриена“ папка?

Функцијата „Significant Locations“ ги прикажува вашите локации во последните неколку месеци, но секако дека може да се исклучи.

Му помага на вашиот уред да ги научи важните места што ги посетувате и обезбедува персонализирани услуги, како што се навигација или подобрени опции за Фото мемории.

Заштитени податоци

Да бидеме јасни - Apple нема податоци за вашето движење, бидејќи тие се заштитени со шифрирање.

Никој не може да пристапи до функцијата „Significant Locations“, ниту е достапна во услугата iCloud, пренесува The Sun.

Дури и ако некој физички го земе телефонот, ќе мора да помине некои чекори (како Face ID или Touch ID) за да пристапи до податоците.

Едноставна процедура

Ако сакате да ја исклучите функцијата, кликнете Settings > Privacy section > Location Services > System Services > Significant Locations.

По проверката на Face ID или Touch ID, ќе добиете листа на посетени локации. Тие се означени со време и се прикажуваат на посебна мапа.

Едноставно кликнете на „Clear History“ за да ги избришете трагите од движењата, потоа изберете „Turn Off“ за целосно да го исклучите.