Германка добила на лотарија но заборавила да го провери тикетот, го носела во чантата со недели

Фото: unsplash

Официјални претставници на лотарија велат дека една жена во Германија носела добитен тикет во чантата со недели, дури и без да знае дека вреди околу 33 милиони евра (39 милиони долари).

Како што објавија во средата, 45-годишната жена е единствената која е добитничка на ждрепката на 9 јуни, имала точно седум погодоци на тикетот на германската лотарија, објави АП.

- Се уште ми се врти во главата кога помислувам дека безгрижно носев скоро 33 милиони евра во чантата неколку недели - рече таа откако сфати дека таа е добитничката.

Таа по случаен избор ги избрала броевите на тикетот за лотаријата и листот го уплатила за 1,20 евра и не планира повторно да игра, велејќи дека добивката е „повеќе од доволно за мојот сопруг, ќерка ми и мене“, соопштија од компанијата наведувајќи ги нејзините зборови.

Исто така, беше објавено дека планира да го искористи својот огромен профит за здрав живот и да направи нешто повеќе за животната средина.