Три начини да го забрзате метаболизмот

Фото: unsplash

Вежбате и внимавате на исхраната, но со возраста станува се потешко за вас да ја одржите идеалната тежина. Истражувањата покажаа дека на возраст од 6 до 18 години, потрошувачката на калории во мирување (базален метаболизам) се намалува за неверојатни 25 проценти, а по 20 -годишна возраст, се намалува за 2 до 3 проценти во секоја деценија од животот. За среќа, постојат начини да го одложите природното забавување на метаболизмот, и треба да воведете неколку мали трикови во вашиот животен стил.

Земајте протеини
Протеините го забрзуваат метаболизмот многу побрзо отколку мастите или јаглехидратите. Џвакањето, грицкањето и варењето на храната бара одредена количина енергија и може да согори до 30 проценти од калориите кои се наоѓаат во вашата чинија.

Колку е посложена храната, толку повеќе калории ќе согорите. Друга добра страна на протеинот е тоа што содржи амино киселина наречена леуцин која спречува губење на мускулната маса кога сте на диета.

Пијте вода
Истражувањата покажаа дека луѓето кои пијат осум чаши вода дневно имаат метаболизам 12 пати побрзо од оние кои внесуваат помали количини. Сакате да изгубите 3 килограми годишно? Пијте половина литар вода секој ден пред појадок, велат експертите од Универзитетот во Вирџинија.

Тренирајте
Вклучете две до три вежби за сила во вашата неделна програма - ќе ја зголемите мускулната маса и со тоа ќе согорите најмалку 50 калории повеќе во текот на денот. Уште поважно, ќе ја одржувате мускулната маса со возраста, што исто така одржува добар метаболизам. Развивањето мускулна маса е како да штедите за старост, дури подоцна во целосно ќе ги искористите сите придобивки од вежбањето.