Најценети материјали за високи температури

Најценети материјали за високи температури

Нема да можеме да избегнеме високи температури и силно сонце во наредниот период, но можеме да си олесниме со носење природни, лесни материјали. Дури и во текот на летото, облеката мора да биде удобна и што е можно попријатна, бидејќи температурите над 35 степени предизвикуваат непријатност во секој поглед.

Лен
Летен материјал! Брзо апсорбира и испушта вода, а потта се намалува во ленените маици, бидејќи овој материјал собира дури една четвртина од влагата од телото.

Памук
Овој материјал е најзастапен од кој се прави гардеробата. Мек е и пријатен, и сигурно ќе се чувствувате удобно во него во текот на денот.

Свила
Префинета е, и наменета за полуксузни парчиња. Панталони или фустани од свила се многу лесни и оставаат впечаток дека во нив „полесно се дише“.

Бел фустан во 10 шик стилови

Жешките денови ја сакаат белата боја, која често украсува трепетливи ткаенини и се издвојува во креации од најразлични форми - од мини фустани инспирирани од шеесеттите, до кринолини со струк што имаат кул изглед.

Безбојниот стил ни носи многу фустани, ленените се совршени за секој ден, додека некои се украсени со кристали, па можат и да заменат - венчаница.

Вака сега се облекуваат Италијанките: Три модни идеи со кои нема да погрешите

Италијанките се кралици на модата, еден погледот на уличната мода е најдобриот доказ за тоа што сега е модерно.

Последната година гледавме „онлајн“ модни ревии кои најавуваат нови трендови. Сепак, најдобриот индикатор за тоа што е модерно може да се види на улиците. Италијанките се кралици на стилот, и по една година изолација, конечно излегоја на улиците.

Ленени кошули и бермуди
Убавината е во едноставноста, а ленената облека е синоним за летото. Италијанките обично носат лен во лето. Покрај незаменливата бела или беж ленена кошула, ленените бермуди прават исончаните нозе да изгледаат одлично. Со платнени еспадрили и торба од трска - секоја жена ќе изгледа и се чувствува како пердув!

Едноставен долг фустан и зашилени влечки
Едноставен фустан под колената, без ракави и прав крој. Овој фустан може да биде направен од лен или памук, и може да се носи со широк појас или опуштен околу телото. Одлично се вклопува со модерни влечки, и не заборавајте дека шпицот се врати повторно во мода.

Овој фустан, украсен со привлечно ланче, изгледа фантастично и во вечерните часови.

Широки панталони, кошула и апостолки
Кога е многу топло, најдобро е да носите широки ленени панталони и широка кошула. Покриените раце и нозе најдобро ќе бидат заштитени од силна сончева светлина. На нозе облечете влечки, па дури и апостолки. Ниту еден накит нема да ви биде потребен.

Погледнете која фризура беше популарна во годината на вашето раѓање

Кога на едно место ќе видиме 75 фризури од различни години, јасно е колку трендовите се враќаат и се повторуваат со некои ситни или големи промени.

Пронајдете ја годината на раѓање на видеото подолу и проверете која фризура беше најголем хит во тоа време.

 

 

Без ова парче облека, невозможно е да се замисли летото: Вака денес носиме бела кошула.

Белата кошула е летно парче што едноставно мора да го имате . И да бидаме искрени, не само еден модел туку повеќе.
Ви претставуваме неколку модели кои се хит ова лето.

Стиловите се разновидни, но заедничко е што се опуштени и неверојатно лесни, како и фактот дека се направени од природни материјали.

Лесни, креативни и удобни: Прекрасни комбинации за шетање низ градот

Градовите живнаа, а нашата гардероба е подготвена за лесни, креативни комбинации во кои можеме да комбинираме разни модни додатоци, детали, бои и весели стилски елементи.

Боите инспирирани од летното сонце и мотивите како цвеќиња, точки и ленти се совршени за секојдневна облека во градските горештини.

Цветниот фустан е еден од омилените во летната сезоната, одличен е во комбинација со разни патики и влечки.

За љубителите на природни бои, постои комбинација со широки панталони.

Белата, ванилата и неутралната беж се вистински летни хитови, ги носиме од глава до пети.

Кратките фустани изгледаат кул со ниски темни чевли.

Кратки тексас шорцеви и летен џемпер се идеални за градот, но и за морето.

Сатенот е убав во женски нијанси и варијанти на здолништа и широки кошули.

Пижама панталоните сè уште се хит, особено ако се работи за некоја луда боја.

Петте најпосакувани бои за летото 2021

Нема правила и сè е дозволено, а во смелите модни игри, наш сојузник ќе бидат боите што експертите ги нарекуваат најпосакувани за претстојната летна сезона. Пренесете ги пастелните нијанси на задниот дел од плакарот, а однапред извадете ги сите парчиња во светли нијанси, бидејќи тие ќе владеат ова лето.

Сина

Изберете топли и светли нијанси како ултрамарин или сина кобалт. За разлика од неутралната темносина боја, која често служи како основа за пристојна комбинација, овие нијанси се многу впечатливи и ќе ја направат секоја комбинација ефективна.

Жолта

Експертите ја нарекуваат боја на среќа, оптимизам, топлина и надеж. Во моменти кога сакате да се чувствувате подобро, изберете жолти парчиња облека кои веднаш ќе го подобрат вашето расположение. Наместо бледи и светли нијанси, модните експерти за оваа сезона ги препорачуваат најефикасните како т.н. канарско жолта.

Портокалова

Скоро нема поефикасна и похрабра боја од портокаловата. Без оглед која нијанса на портокалова боја ќе ја одберете, ќе ја освежите вашата комбинација, но играјте со највпечатливите нијанси ова лето.

Фуксија

Една од најинтересните розови нијанси е таканаречената фуксија. Светла, пријатна и смела - фуксија веднаш ве става во центарот на вниманието, без оглед дали носите само еден детал во таа нијанса или смело одбравте неколку парчиња облека.

Зелена

На видливиот спектар на бои, помеѓу сината и жолтата, лежи една од најубавите бои - зелената. Таа е симбол на природата, нејзино обновување и растење, а погледот кон неа создава чувство на смиреност кај нас. Оваа летна сезона ставете парче облека или додаток во боја на детелина или зелен грашок во вашата гардероба.

Виртуелен дуксер продаден за 19 000 американски долари

Виртуелен дуксер продаден за 19 000 американски долари

Виртуелниот црн дуксер со зелени детали од марката „Overpriced“ е продаден за 19.000 американски долари како датотека NFT.

Дуксерот беше продадена на пазарот за дигитални уметности на Blockparty.co на анонимен понудувач кој сега може да го „носи“ ова парче облека на виртуелни настани на Интернет со скенирање на кодот.

Продажбата на дуксерот доаѓа по неодамнешната соработка на виртуелниот бренд за чевли „RTFKT Studios“ со крипто уметници „Fewocious“ за создавање колекција на виртуелни обувки што се продаде за 2,2 милиони фунти и се распродаде за седум минути.

Брендот „Overpriced“ се опишува себеси како бренд што создава „мода за крипто генерацијата“. Еден од нејзините основачи, Leighton James, рече: „Ние сме група уметници кои сакаат да создадат крипто мода заснована на уметност која има за цел да ги оспори концептите за тоа што е луксузна мода“.

NFT се единствени средства кои можат да имаат форма на што било дигитално и можат да се разменуваат за нешто друго, без разлика дали станува збор за криптовалута или некој друг дел од дигитален комплет, а во моментов нивната употреба и популарност рапидно растат.

Продажбата на виртуелна облека доаѓа по неодамнешната продажба на првата виртуелна куќа, а понудата на виртуелни производи се шири, па во форма на NFT можете да купите серија фотографии на супермоделот Кејт Мос, нов филм на Кевин Смит и разни други уметнички дела.